話說幾年前，睇見人去長咀露營，極為羨慕，開始跟隊長談起，幾乎耐不耐就提起一次！記得某次我講起呢個 idea，當時隊長話等佢個仔大啲，可以幫手揹多啲野先去喇！
後來，他自己一人去東灣探路！探路後，原先打算係先去一趟東灣露營，然後才去長咀。但某次他突然就去咗長咀露營，連帳幕都沒有帶，只用天幕！結果佢行咗五個鐘，由四點行到天黑，東灣入長咀那條路實在不好找！而且還因為天黑，所以難上加難！結果花了半個多小時才找到路，而去到長咀附近，又不知怎樣落山，見到營地有燈，但搵路都搵好耐！結果佢用咗五小時完成呢個創舉！後來我都試咗次行去東灣，發覺都唔太難，當然，長咀又係另一件事嚟！
去長咀因為路途遠，所以希望輕便，亦希望天氣不要太冷，否則裝備和衣服也要多！另外，因為入既路途都遠，要早啲入去，所以還要夾多半日假期，似乎成行機會不大！
不知是好還是不好，今年冷的日子不多，碰巧又有一日假期夾到可以去，我們便鎖定了這個日子！後來卻又知道在出發那天，我要一點才能從元朗出來，而且還要回家換衫、攞袋，可能我要從後追上... 但因為決心夠大，追就追吧！
最終，出發的那天天氣清涼，風也很大！但後了輕便，我連外套都沒有帶！脂肪夠多，無事既！結果，那天我早了近半小時就可以從元朗離開，也追上了回家的巴士，回家後怱怱吃個包，把冰格內的食物放入袋裡，12 分鐘內就趕出來了！結果，我還趕及跟大家一起從鑽石山 搭 2:10 的 96R 出發呢！
我們大約 3:05 到北潭凹：
稍稍整裝 3:20 左右起行，結果大約 6:15 分到達營到，還有 15 分鐘才天黑！從水源取水以後，天才慢慢黑！記一記呢個行程的主要 check points:
3:43 到達赤徑，用了 23 分鐘：
上大浪凹長命斜，揹著裝備不好走，但也怱怱過了！
4:15 大浪凹，第一次小休：
轉入大灣的路：
大灣前的沼澤，下過大雨後更不好走：
16:50 到了大灣，用了個半鐘時間，比預期稍稍慢了！
加快腳步，大灣過東灣的路也不太好走，但也可以加一點速，希望趕及天黑前到：
卒之都到東灣，過溪前 5:17 分，差不多兩小時！
稍稍休息，但也不敢怠慢，立即又找去長咀之路！ 穿過草地，稍稍穿林，就接往長咀之路，那時距離天黑只剩大 40 分鐘，各人極速前進！
回程時發現原來東灣沙灘那邊有路直上長咀小徑的大石 (下圖：這石是往長咀山徑的重要地標，應該名為「企人石」)，這路比較易走，而且距離更短！
卒之天黑前到，仲比預期早咗幾分鐘添：
待續...
沒有留言:
發佈留言