各自各入，我去到差不多四點，隊長已到，營都起得七七八八。
我西灣河入，地鐵 A 出口一出就係 14 號巴士站！今次試裝入長咀，金仔加天幕，一邊靠金仔支行山杖，另一邊就用 pole... 因為扯得更衡，個金仔結構好似仲穩定咗，個營仲廷多少少，瞓醒個型仲 keep 到，全程算係大風，但無穿無爛！
隊長為我地預備咗極好的伙食，打邊爐再加焗雞同埋豬肋骨！
本來仲諗住減肥食少啲！結果，我自己預備咗既食物，完全都無食過，留返晒第二朝 brunch... 臨出門口放低咗兩包通粉，但又帶多咗兩隻蛋！
沖咗包花茶！極度飽，增肥營！今試買急凍雜錦海鮮，相當有誠意喎！
今次再用呢個三峰出既軌跡，好貼背，好舒服！但無位放水袋呢吓遠行唔太好！
塞到爆晒袋！因為有涼沖，衫又帶多啲，又要帶拖鞋咁... 仲手痕帶 ukulele 同埋 ipad 睇譜...
個個走晒去郊遊，我就放空安靜一吓！
去長咀要想辦法減輕裝備，火機只帶一個，調味料只帶必需既！唔帶個保溫壼，急凍成磗第一晚食，第二朝食簡單啲！要帶濾水器... 身痕想帶相機！唔用燈帶，改用營燈，減少用電，又正收唔到手機！仔細諗吓．．．
講返正題，當日風比較大，甚至擔心過天幕杆出事，但最後無事既。活動時溫度 18 度左右，但都幾涼，因為風大。天文台預報最低 16 度，但無經歷過，我只用薄睡袋，已經覺得有少少熱，要開少少外帳通風。
晚上有落過好密既毛毛雨，但濕度卻唔算高，收野時除咗 footprint 都係乾既！
沒有留言:
發佈留言