破紀錄的一季，一共去咗廿一次！嚟緊相信都好難破，但希望在明天！
一年一次年結，回顧今季點樣可以去咗廿一次咁多。
荃錦4
鶴藪3
赤徑4
狗嶺1
大潭1
長咀1
東灣2
水浪1
灣西1
大山1
白石2
-------
今季21次 (上季17次)
2020年9月9日星期三
2020年9月3日星期四
2019-2020 老田露營小結
雖然近來已經唔收季，但由於傳統都係九月開季，所以嚟到九月頭嚟一次小結吧！
今年因為疫情，又封營，又限聚，當然更重要係防疫，所以肯定係去少咗。
小統計 2020 年 1-8 月 12 次 (年尾做多次年結，或者以後唔用 9 月做界線)，自 2019 年 9 月起 21 次，即係平均一個月都無兩次，慘慘！
好，由最新近開始倒敍：
2020 Aug (兩次)
去咗兩次「刀槍不入」，一次月頭，一次月尾。之前行山探路嚟過幾次，真係露營都係呢兩次。
2020 July (三次)
第一次嚟「香港之巔」，呢度真係景靚，但露營就地方略細，而且無水源。
去咗一次黃石 solo，為咗追彗星，結果因東方小雲而食白果。
唔上高山天氣實在太熱，未夠七點已經上車返歸！但有銀河影！
去咗一次荃錦 solo，亦為因為追彗星，結果霧大而食白果，計好晒山嶺角度都無用！
2020 June (一次)
去咗一次荃錦 solo，食雪糕糯米糍，第一次紥木板平枱，重裝頹 camp。
2020 May (零)
其實五月竟然無露過，去咗一晚水浪窩 hea 食完野走，後悔無帶營，其實絕對「露-able」，而且可以包場添。
2020 Apr (一次)
第一次東灣露，天幕唔好慳。那些狀態差，東灣已經好攰，用靚水源！
2020 March (兩次)
水浪窩 solo，第一次帶枝細酒去飲，要多啲用呢個二人營，短途係幾正。
水浪窩 solo，帶凍益力多、蒸包食。
2020 Feb (兩次)
赤徑，同班年青人去凍到癲又落雨，但其實幾好玩既。
赤徑，初飲 759 梅酒，一試難忘。
2020 Jan (一次)
水浪窩 solo，咸牛肉鬆餅早餐。
2019 Dec (三次)
長咀週年體檢，風大到呢！長枱依然健在！有班後生紥到最出，真係勇！
水浪窩 solo 打迷你邊爐。
狗嶺涌，同班年青人去玩 light painting，整焦糖燉蛋。
2019 Nov (三次)
狗嶺涌，第一次去就愛上，極靚景；勇到埋枝望遠鏡去！
大東，同班年青人上，又冰箱、又大天幕，仲要第日幫手救人，送埋上直升機，一臉都係沙；第日返屋企搞到好慘，交通阻塞。
水浪窩 solo，竟然偽文青煮 egg benedict 做早餐，晚上頹行見螢火蟲。
2019 Oct (兩次)
赤徑黃雨，我營底有條河 (水坑) 但力保不失！第二朝風和日麗收營竟然斷天幕杆！
水浪窩 solo，試新小冰箱，夏天幾乎必備！
2019 Sept (一次)
阿女飛英國唔使我陪，反正已請假，去一趟灣西 solo，試影星但有薄雲，天底黑到五分鐘曝光都唔爆，要找機會再來
營地統計：
- 灣西 1
- 長咀 1
- 赤徑 3
- 東灣 1
- 黃石 1
- 大東 1
- 水浪窩 6
- 狗嶺涌 2
- 荃錦 2
- 刀槍不入 2
- 香港之嶺 1
最後數吓邊個營用得最多至最少：
- 牧高笛二人營冷山 Air 2 (最重但舒服，防風雨最好)
- 三峰藍山 2 (輕而舒服，重濕氣時吹乾稍稍麻類)
- 牧高笛三人營 T3 (輕過 1 但更大空間，而防雨性能不及 1)
- 三峰山景內帳加天幕 (身痕玩具，天幕空間太細不太實用)
- 三峰金仔 (輕唔過藍山 2 好多，但太窄大風會打臉)
- Knot 大金套三峰金仔 (改善風大打臉問題，外帳有大量空間)
有一個營全年都無用過： NH 三人營 (不算闊落，不太冷時會較為焗促)
2020年9月1日星期二
2020 August 刀槍不入山腰再露一露 (露營必須酒)
秘位唔寫真名，出個廢名算數，明就明，唔明就唔好明，免得玩爛！兩次都包場，又唔見有垃圾，真係爽！
今次真係露營必需酒，大家帶既飲品除咗一罐可樂，其餘都係酒！
枝白酒無帶開瓶器，營釘解決：
正所謂人生得意須盡歡，莫使金樽空對月，抬頭一望近乎月圓，七月節就在眼前，荒山野嶺，萬里無人，實在正過鬼！
好，講返個行程！上次人腳唔同，一個鐘先行到；今次行得爽快啲，七個字就到！可能都行得快既關係，所以有啲口渴，飲酒飲得比較速，又空空地肚！話時話，今次啲花生超好味，所以全部清晒！搞到成九點先食飯！
好，都係講返個行程！星期日下午泊車竟然有位，落車快快行，差不多到目的地時，遇上一位怪叔叔，佢跟住我地入咗去秘位先知我地係露營，而佢又唔識路！指點完佢都出唔到去，結果隊長就帶返佢出去！奉勸大家唔識路唔好一個行山，太危險！當時已經近乎入黑，未天黑佢都唔識出返去，天黑咗就慘慘了！
好，又再講返正題！開壇！初初隊長去咗帶怪叔叔出返去，我地起住其他野先，起天幕時佢返嚟喇！呢 360 條片可以睇三次，第一次睇志光哥開蒙古包、第二次睇我開狗屋，第三次睇開天幕！
隊長個營食完飯在天幕底開，因為太早開其實濕晒！空返個天幕然後底下開亦可減少露水！
日落了：
食吓花生啤啤佢，咁大包花生都食晒：
準備煮飯：
突然就煮好了：白飯、粟米六粒、咖哩雜菜、雞扒：
影返張合照先，志光哥半年無浦頭！
飲飽食醉，影吓相：
呢間狗屋唔錯，但其實都係想買返個輕既 free stand 營。因為濕氣重，第二朝要拆走外帳吹乾，然後又要扣返埋，有少少煩，但呢個營係舒服同埋輕既，遲吓先再諗！
今次用水量比較多，濾唔切：
氣氛燈呢啲野，真係正！
其實都幾涼，但我都係長開風扇：
臨瞓搬埋啲枱一邊，今次三張枱放埋一齊，超大！
隊長開營在另一邊：
臨入營前既溫度：
入咗營，發現外帳與內帳之間有螢火蟲！瞓醒第二朝，志光哥話瞓得有史以來最舒服，隊長都話唔錯，我就麻麻，醒咗風扇向上吹想吹返乾啲露水，但最後發覺都係要拆開：
我個營好濕，要拆開外帳嚟曬：
煮早餐：
韓式早餐？
我繼續照常食一丁，呢隻午餐肉幾好味：
臨走作落雨，啲青蜓出晒嚟：
飲埋杯茶，未過濾既溪水沖，特別好味：
唉，露營必須走，約下次喇唯有：
天黑黑，速逃：
呢堆石，一方面係過沼澤既橋，另一方面都係出口既路標之一：
話咁快出返去人類文明：
最後加返張營地既 bullet time:
話說隊長出營直接返工，真係辛苦晒！下次再會。
訂閱：
文章 (Atom)