「酒逢知己千杯少，久違赤徑共歡笑」
隊長建議放工入，第日係清明公假出，似乎都 work 喎！
我清明要返工，索性早一日掃墓，掃完直頭早啲入仲好！Check 過潮汐，呢兩日無伏，去喇去喇！
一個低能之下，計錯時間，追唔到 94 號，就係遲咗兩分鐘，好在勉強追到海下小巴！所以實質到北潭凹時間可能仲早咗少少都未定！15kg 背負下半小時都到，其實行快啲都仲得，不過享受吓環境仲好！
隊長放工接埋大佬先入，志光哥話仲遲啲添，我大把空間休息安靜！先起好個陣，今次帶隻山狗影吓 time lapse... 放在 snowline 枱面，開營揀地方，放 footprint 然後瞓上去感覺下，再起營，起完就搞天幕，呢度啲樹好頹，要用晒兩枝 pole.... 今次係用 2.0 版，相當成功：
廿多分鐘就搞掂，天幕給人一份家既感覺！營乃睡房，天幕乃廳：
隊長同大佬都開始入嚟：
山勢阻擋，還有碎雲，未能太見日落：
原本話可能有雨，結果天色還算不錯，第二朝仲晒到顛：
入黑了，天幕開燈，溫度由 25 下降到 22 左右，半夜最低係 18，若濕度低一點更好！呢晚勁好瞓，第朝完全無攰既感覺！天黑 time lapse:
隊長同大佬都到喇！之後 Life 都到：
志哥光唔舒服無嚟，可惜！開火煮飯， 隊長在伙食特別好，我帶嚟既留返早餐先食。有餸有飯又湯，慢食到差不多十點：
聽 Life 同隊長吹水特別有味道，露營之樂也！
第朝瞓醒出營，Life 已差不多執好野要走。今次用吓鈦蓋煎野，極慢火加牛油紙也不太差！
我帶咗個辣麪，再加多個刀削麪，當係加底喇！食飽執野走先，因為下午仲要返工：
執野片，隊長今次用返條舊天幕杆，正！
我行返出北潭凹，遇上 96R (+ MTR) 照上，其實價錢同 94 + 旺角小巴差唔多，仲接近包車出去，無咩停站，五十分鐘唔使！隊長同大佬就搭船：
沒有留言:
發佈留言