隊長下午入咗先，我食埋個晚飯先入，佢入到去未落雨，當時係包場。因為預測都有雨，所以佢揀咗呢個去水位，至少唔好水浸丫嘛！
話說我平時都係紥呢個位。
之後就開始大雨了：
因為我食完飯先入，搞到隊長一個人食飯：
與此同時，我又出發了，九點多先上山。在山下公廁遇到兩個國內山友，問我下面露唔露得喎，後來我上去紥好晒佢地都上到嚟，所以無得包場。沿路滿是泥濘，但呢條路我晚上都行過幾十次，加上路途很短，好快就到。我一手舉傘，一手拿水袋，未去到路口隊長已經出咗嚟接我：
因為隊長一早紥好晒天幕，我就輕鬆好多，加上有佢幫手，先起另一張天幕，再開營，成件事又快又順暢。開好營就過去佢天幕下吹吓水咁！順便吹返乾個身！
隊長執咗件木頭做枱，有菌類：
後來黃雨加雷暴，幸好大家都有天幕加埋營，只要水浸唔好太高都唔會有事：
吹返乾個身，刷埋牙就瞓覺！都見有積水，但不算嚴重，成晚都有雨，但有天幕頂一頂，雨聲都唔算太大。我開住風扇瞓，後來都要閂返！開埋睡袋當被，好好瞓既一晚！隊長話好瞓過屋企，因為空氣清新！佢本身呢排有咳，但當晚都真係唔太聽到！
因為好好瞓既關係，話咁快就第二朝了！
第二朝有陽光，晒乾啲野！正！
營門口的泥漿：
煮早餐：
隊長真好，有煎蛋食！我原本只係帶個個杯麵咋！結果仲有墨丸！
食完執野走人，因為我晏啲仲要返工：
後來知道原來還有好多牛肉，因為隊長預埋我同志光哥份量，結果佢之前一晚一個人食晒：
事後因為好多泥，我諗大家都清潔咗好耐：
收季前盡去！
沒有留言:
發佈留言