Timothy BS2

2018年9月25日星期二

2018/09/23-24 荃錦營地：開季了

又中秋，志光哥提起，今次 BS2 係 22 週年...

呢次差啲俾個颱風「山竹」玩死，全港營地都爛晒，而且封埋添，荃錦都係我地去之前既一日先開返！隊長仲突登上嚟 pre-trip...

起營：

營內溫度，營外係 23 度，但有啲潮濕：

第二朝早情況：

落大雨，之後出太陽，３２度！

山竹的破壞，同埋第二朝場雨：

食物篇：

架生相：

飲品篇，隊長帶冰箱 & 飲品，實在係正：

收營：

集體相：

2018年5月23日星期三

20180522 荃錦岰→甲龍林徑→雷公田→清潭水塘→河背村

遲啲寫返... 天氣大熱頹行

2018年5月9日星期三

公假想要靜，行多啲免不了！最好無水源，連景色都無呢，就會人少喇！

所以最後決定要田夫仔，呢個營地從邊度出發都要行個半鐘，而且水源唔掂，又無景！

原來，最大既缺點，有時會變成最大的優點。

我地從荃錦營地出發，順手攞埋水，一人攞 4L 水基本上都夠用！真係要行足個半鐘架，不過全程都易行既！

我起初將個水袋掛起，覺得都幾墜，好似有人拉住你咁，但行吓行吓就順，之後都行得幾快添，因為全程都係水泥路，仲有樹蔭！行淨最後半個鐘小休咗一陣，順手拆返個水袋出嚟，手提算數，轉另一組肌肉抬丫嘛... 同行友人剛好掉轉，起初手持，後尾掛背包，呵呵...

卒之到咗，呢個招牌位仲收到電話，入咗去就無咩信號喇！

今次怕天氣熱，所以帶天幕加金仔，起初諗住只係用內帳，外面掛風扇，但後來發現呢個 configuration 唔得，風扇風力唔夠大，隔咗蚊紗之後太柔弱！呢次天幕只帶一支桿，另外帶條超長繩可以用樹或者晾衫架！

所以之後嗰次露營索性用 3 人營加天幕，因為 3 人營可以 set 把風扇入帳內！

但結果當晚係凍，唔使開風扇不但只，仲要開埋外帳同睡袋添！

講吓水源，田清橋下既水唔太流動，但可以追返個上游就清好多，半個鐘可以來回，水流動亦清，唔濾都飲得：

不過既然都帶咗濾水器，當然都玩吓，但其實都不必！我帶咗個空樽嚟裝溪水，不過咁樣出水極慢，按吓就快少少，都好唔得閒咯！

帶二朝索性吊起佢，慢慢滴！

日後要認真搞搞個濾水系統，否則太慢了...

除咗我地，其實當日仲有兩個營，一個家庭 (堅! 兩個山系細路女... )，另外兩位係男仕。

當晚分享食物，我煮蜆肉意粉，仲有唔記得咩餸喇！另外有人煮北菇滑雞，又有雞翼，同埋有啲丸，食到好飽！

第二朝蒸早餐，有包、有珍珠雞，有奶茶，仲有個面後尾一路拆營收拾一路食！

第一次起咁大壇野，一個人都搞得掂：

今次無影大合照添，有啲可惜！或者等其他人加返多啲相喇！

呢個營地除咗人少，都無咩好處，但呢個優點實在太重要！

第二朝落返深井，有巴士直返屋企...

對於有車人仕，可能馬昂仲好，草地仲靚，但缺點就係人多！呢度係難得既樂土...

2018年2月12日星期一

2018/02/11-12 再上馬昂露營

我同另一班朋友仔 2017/12/31-2018/01/01 上咗嚟一次，但今次實在更正：

1. 上次馬鐵站行上嚟，行咗差不多兩個鐘咯，今次隊長揸車上，行半個鐘就到！
2. 上次難民營咁，超多人，勁嘈；今次五個自己友包場，清幽寧靜
3. 上次上到去都好夜，今次起好營食完野，仲有時間行完山先日落
4. 今次有朗哥

好！就由朗哥開始呢個旅程！話說一落車，佢就一支箭咁狗衝上山，我帶住 5L 水同個大 backpack，好在得佢高抬貴手，先至勉強追得上佢既腳步！

話說朗哥因為流感爆發先停課，上山避役症是常識吧...