首先係搵位置，其實大概係知邊度，但未 exactly 去過，所以都搵咗一陣，全程用咗 40 分鐘鬆啲，行錯既路段大約花咗 10 分鐘，被啲草刺親，但其實都濕濕碎：
講返個行程，今次呢個位要揹水上山，隊長個袋：
我個袋就 15.6kg 再加 3.3kg 冰箱.... 今次算係輕裝，起初發現咁重以為帶多咗唔知咩，一轉念先醒起原來有包水！！！
我有 3L 水隊長都有 3L 水，另外仲有六罐凍飲：
其實中途係有水源，但距離最終目的地有 20 分鐘路程，來回就自己計... 作為後備還可，或者落嚟攞水，順便睇埋日落都值得？
最終位置海拔 820 米，景觀開揚，但草地麻麻，地方細。
行錯咗少少路，啲草都幾多刺，返轉頭咗一次，之後都好快搵到了！
第一次用呢壇野，呢度地方細石頭多都幾煩，最後都叫起到喇！營兩邊已經有大石，落釘都要避石。
果然係高位，個蛋糕山患上高山症，脹起晒！帶呢個蛋糕仔純係扮某本地高手。
司長話可以去郊野公園食野，我地好聽話既：
呢個位真係幾開揚，爽：
兩日一夜全程風不太大，舒服不用開風扇，亦不會太凍，日出前略凍，有風褸會好啲：
天開始黑更涼爽；個氣泵已經改裝為可以播歌，一物二用：
呢個位睇唔到日落，有另一個山峰遮咗，所以話落去攞水加埋睇日落就一套：
但都幾靚既，起初以為會火燒雲，但結果燒唔起：
呢個壇好處係當埋天幕用，但其實佢既煩麻程度不下於起完天幕再加營！天幕空間略細，而且又唔夠高，掛燈有少少射住對眼。或者下次短杆用嚟起營，長杆用嚟撐高：
天開始黑了，景觀亦改變了，原本山峰係主菜，入黑就城市變成焦點：
呢邊夜景真係幾靚，遠處雲層係低過我地呢個位：
影咗陣相，係時候煮飯食。今次我試整娃娃菜煙肉千層鍋，汁係山下整定既鰹魚粉、味琳、日式醬油：
其實咁仔細切都多餘，煮熟都係一樣！隊長煮飯、牛仔骨，仲有紅燒牛肉：
或者山開始高，氣壓不同，沸點有變？今次白飯 formula 無 work 得咁好？不過加埋個汁就剛剛好了！
隊長煮飯途中發現水袋唔見咗啲水，估計可能無咗近 2L，幸好最後都夠用！
食完飯再 hea，呢個位時而霧起，時而霧散，變化甚大！好似睇魚樂無窮咁，景觀好 dynamic，下次帶埋塊漸變 ND filter 上嚟影地景加星空，另外要帶支炮上嚟影遠景，今次得支 ultra wide 有啲局限。
突然講返之前，話說臨天黑前，甚至見遠處勁多閃電，幸而其實係極遠，完全聽唔到聲既！
山上那邊偶有星空加雲景：
當然玩吓其他野：
食埋個甜品，買唔到豆花：
怕落雨，收矮我個陣，其實一開始就應該咁開法，無經驗無計：
影吓合照：
準備瞓覺，明早再戰。山上濕係常識，吸濕包有無用呢？
結果，天幕底面都係水，內帳都有水，好間中有水滴落嚟添！
臨瞓抹咗一次，塊布扭乾好多次先抹完，但作用都不大！
低溫要用薄羽絨睡袋，但瞓得唔太好，應該係太濕，五點幾自動醒，見到東方紅紅地，又開波影相！
男人的浪漫：
呢啲先係露營嘛：
一晚之後，水水水水水水水水水水水水水....
影夠了，煮早餐！！！
凍飲仲係夠凍，冰箱係有用既：
食完執野，雖然係曬，但溫度不高，整體係舒服，似秋冬感覺：
垃圾係帶到返屋企！司長講唔講一向都咁做喇！
一晚吸到幾多水呢？
其實吸得幾好，但因為實在太濕了，作用不算太大！
沒有留言:
發佈留言