隊長載埋志光哥直入北潭涌，減少公共交通時間，降低感染風險，聽講搵位都搵咗陣。泊好車，轉 94 入北潭凹：
因為近來人多，星期五都要去偏少少，平時咁既日子，應該去頹 Camp 都得！！疫情期間人多，應該都好難頹 camp 了...
水都幾漲，當晚出入條路都有少少水。睇潮汐預報水位唔算太高，但最近亦唔最低。
今次隊長用金字塔加四季內帳，順便用嚟拉埋天幕，佢真係好手工，一枝天幕杆都無帶，都紥得咁靚：
我八點先到！我六點左右出門口？去彩虹再入西貢差不多要一個鐘，再計啱 94 班次，個半鐘之內到北潭凹，然後再行半個鐘落去。
估唔到等埋我先煮飯，我仲以為入到去就有得食添：
今次亮點係呢枝酒，來自七五九，返去要買返枝返屋企自己飲：
好耐無齊人了，今次真係值得賀賀佢！
入面果然都算幾多人，河兩岸都有好幾檔，我地都算紥得入，外邊仲有大把位，但後來有幾條友仔硬要紥入嚟，仲傾偈傾好夜，嘈住晒！堅乞人憎！
隊長煮咖哩蝦仁，送飯一流，所以煲咗兩煲飯！
呢期白米都難買！有米真好！
仲有粟米湯！
我是但鰹魚粉雲吞浸菜：
飯後仲有志光哥既日本柑。
當晚氣溫極好，又無咩風，隊長話上星期得四度幾！
飯後 hea 吓，露營終極奧義：
隊長呢個金字塔真係幾大空間，如果兩個人真係唔用天幕都得！再配埋四季內帳，冬天露營唔怕凍：
大佬都話正！
我今次好精簡，連枱都唔記得帶，上次去長咀都 13 公斤，今次只係 11 公斤：
臨瞓都仲好暖：
隊長親測金字塔外帳既環境與溫度：
入面既四季內帳再暖多啲，睇到都覺得熱：
第二朝，我仲未起身時，隊長已經影咗相，後來影完相瞓返喎：
後尾到我起身去行吓、影吓：
賤人留低殘體字垃圾、口罩：
沿營地行入去，行幾分鐘有條橋：
過返去近廁所那邊有塊頗大既空地：
行完返嚟起晒身了，煮早餐：
合返個照先：
對於唔飲咖啡既人，熱朱都係好正！
執好野已經趕唔切船，要等下班，無陽光都近廿八度！
我地未走，下班人已入，呢班仲大聲，好在走得快。
我鐘意靜都係註定要閒日或者行遠啲！
上船就戴返口罩喇：
下次再會：
由上船到屋企要個半鐘，多謝隊長次次車我返屋企，我入去搭巴士加埋行入去要兩個鐘！
沒有留言:
發佈留言