當然包括一啲非必需既野：我帶咗腳架、單反、小結他 (但竟然咩譜都無帶，呢鋪真係無譜)
仲有一公斤食物，上次氣泵唔帶，連牙刷蓋都拆埋，今次當然唔搞咁細緻了！另外，我帶咗兩枝天幕杆，上次吹爛既，今次再嚟！ (最後無事)
今次我用藍山 2 ，隊長用藍山 2 Pro... 抗風性能、舒適度大大提升！然而，今次風力亦真係大大提升！如果用返上次既營，實行無覺好瞓！
講返行程，落車行半小時左右就到赤徑，呢度好旺場：
途中有日偏食，人在旅途，只好頹影：
一小時鬆啲到大灣：
遊人都算多，未見過大灣咁多人！但話雖如此，其實十個都唔夠。
過咗大灣就出發去東灣，今次唔覺意行咗下路，最後落東灣要爬小小石落，揹大袋要格外小心，若坐低個人，後面啲石會頂住個袋，我估如果大潮可能行唔到，不太建議。但純行山，呢條路慳力好多，又近啲：
一落就係沙灘：
最後變咗我落到去沙灘，但隊長還在山上，我 whatsapp 佢，佢在山上向我揮手。
等埋佢先搵路上企人石，順手週圍行吓，飲多啖水：
望住佢，以為有得加餸，當然已經係空心喇：
沙灘直上企人石，認住呢個絲帶位，就咁爆上去就係企人石。
完成埋呢段仔，原來已經行咗兩個鐘，爆完上去真係要小休喇：
呢段路落好過上！努力一會之後到咗：
第一次休息：
小休完，呢段路相對都好行，行兩行，就見到呢枝座標柱，意味開始準備入咀：
回頭望返過去：
差不多無信號了，一落山就收唔到：
搵路剷落去，話說可以直行過埋標高柱先落，但中途有個位落會快啲，落山個位唔明顯，第一次就日間行會好啲，未行到開去都以為係崖邊！呢段路碎石極多，我都唔覺意跣咗一吓，但無跌低到，手按一按身邊既石，剛好指甲頂一頂，否則應該都擦傷。
同長咀自拍一張合照先：
入到去見返上次張枱，好感動！好似見返個熟人咁：
我估呢張枱歷史唔短！
起營，今次風極大，搵位、試風向等，都花咗一啲時間，從以下片段清楚可見成個過程。
天幕紥落地，主要係為擋風，咁起唔太遮到太陽，兩個人就啱啱好。
今次試咗新整既 DIY 碳纖營棍，再加埋枝行山杖就開到藍山 2。
呢枝野用 10mm 粗既 3K 碳纖管做，接口就用 8mm 3K 碳管，完成品只係 65g 一枝，係我枝行山杖既三份一重量！今次去到見咁大風都幾驚，估唔到一嚟就壓力測試！
結果發現 10mm 真係已經夠用，當然，唔好同風夾硬嚟喇！要配合風向。
我帶咗兩枝 16mm 碳纖棍嚟起天幕，結果只係用咗 3/4 枝，因為天幕唔夠膽起得高，更唔敢霸氣起，下次再嚟要用枝可調高度既棍會好啲！
兩個營起咗天幕兩旁，目的當然都係擋風。
唔用天幕遮吓應該會吹到頭痛！
講咗咁耐，都係出返起壇既片段，試風向都試咗一輪：
等天黑既短片，剝吓花生，放空吓，露營終極奧義：
差不多天黑時，見到有班人入緊嚟喎，見佢地搵咗好耐都未落到，想落行行吓又返轉頭，結果搵好耐先搵到路落嚟，係行標高柱去到尾落，見佢地落都落得好慘烈：
我地起好晒野，慢慢享受吓個環境：
再去攞埋水慢慢過濾：
過濾完又慢慢加熱，今次無帶風擋係中晒伏！用塊枱仔擋都好過無：
水滾沖茶，今次隊長有帶個茶膽仔，幾優雅：
洗個臉，飲啖熱茶，放空係露營既重點：
又影吓相，剝吓花生：
天黑晒之後，開始煮野食。
我發現，煎野無用風擋係伏中之伏，點解唔帶呢？因為隻鍋太大，平時用開個風擋唔夠大，所以索性放低埋！其實我係有另一個用到既風擋，只不過裝備太多，諗唔起，結果煎極都唔熱，煎少少野就差啲用晒一罐細碼氣添：
第日點都要帶風擋！！！
一邊煮野食，一邊影吓星，先影獵戶座加埋 M42：
再嚟七姊妹星團 M45：
大犬座加埋 M41：
晚上影星，風大到吹跌腳架好多次... 後尾識得用腳踩住枝腳先無事！
十點入營，天幕收低，天幕地釘彎曲，被吹到連根拔起，整夜風聲很大。
第二朝早上活動：
話說當晚原來有三檔人，一班後生仔要景唔要命，紥到最出：
另外有兩個人紥在無風秘位，下次要試試。
第二朝先諗起可以開闊枝腳：
煮早餐，今次要節約能源，一定要落風擋：
最後夠氣煮完所有野，煲埋回程既水，仲煲埋芝麻糊添：
第二朝早上 time lapse 加執野：
回程，行另一邊出去，順便經吓個秘位：
慢慢上返去發覺都有啲攰，風太大，瞓得唔係最好。
去返文明既邊緣，有返信號了：
準備落返大灣：
回程係慢咗，一方面係體力，二方面其實都唔太捨得走。
返到屋企重量：
檢討：風擋一定要帶，氣要帶多啲。
沒有留言:
發佈留言