呢個季度應該破晒記錄，一齊去咗好多次露營：
1. 荃錦 (9 月): 落雨, 山竹後營地剛好開返
2. 荃錦 (10 月): 又落雨
3. 鶴藪 (12 月): 天氣最好, 睇月出超正既頹 camp
4. 大潭 (2 月): 有得沖涼既頹 camp
5. 長咀 (2 月): 期待已久既遠徑, 我一定要再嚟!!!
6. 赤徑 (4 月): 當年去得最多既地方之一, 久別重聚, 但欠志光哥!
7. 水浪窩 (4 月): 暴雨中兩條傻佬
8. 大東 (4 月): 霧大到全身濕晒, 風大到吹爛咗我個金仔外帳
9. 赤徑 (5 月): 當年去得最多既地方之一, 久別重聚, 終於齊人!
10. 荃錦 (6 月): 話收爐又唔收
仲未計啲行山團呀添... 希望長露長有...
P.S.: 幾年前開始諗可否 solo camping, 今季直頭上埋癮！
剛才數一數，原來我自己另外去咗 9 次 [水浪窩、赤徑、扶輪]，加埋一次成家去貝澳，即係我呢季總共去咗 20 次露營
最凍那晚一個人在水浪窩, 夜尿後凍到要著埋外套, 後來同夜大嶼山昂坪有人凍死咗...
最初常常去黃石、大灘，但越嚟越唔鐘意呢兩個地方，又無草，地方又細，又人多... 近來最愛水浪窩，因為搭車比黃石、大灘還要方便，要稍為行多少少，但其實亦相當舒服，水源穩定 (除咗上季有一次無水)，閒日亦唔會多人... 若去黃石、大灘，倒不如行半個鐘落赤徑仲好，地方大又環境靚！
季尾上咗一次扶輪，但應該唔會再去了，因為個地實在太差，可能仲衰過大灘添！馬路邊高少少，非常嘈，閒日亦有人，塊地根本就係地盤感覺！就算無石既位都硬得滯！寧願去荃錦好過！
沒有留言:
發佈留言