我從未嚟過呢度，當晚入到去，第一個感覺係個水源好得。
但都玩吓過濾喇，萬有引力系統 ，速度算係唔錯，特別係唔使理佢丫嘛：
第二朝起身，明晒！呢度原來係好靚！仲相當獨特！有山有水，幾條溪將營地分開幾部份。
都係由頭講起好啲！Rewinding...
我 15kg 入，隊長大約 12-13kg，今次大家都有新營用！我無帶天幕，但就帶咗支望遠鏡入去睇星！
東涌個巴士站搬返入去，唔使行咁遠就有車搭。
原本約埋 5:30 東涌等，但後來好似成六點先到，又剛趕到 23 號巴士，都坐半個鐘有多先到石壁，落地之後行個鬆啲鐘...
落咗車，行個鬆啲鐘就到，頭段一小時係水泥路，有部份上上落落，引水道邊：
最後落營地係山路，唔算難行。就係呢個牌轉落去：
補返張日期既先：
呢段上落都係十分鐘左右，未到營地之前會經水源，相在樓上最開頭，唔再 show 了。
營地用石頭間開一格格，草相當唔錯，近海那邊沙含量會漸多。基本上只有燒烤爐，污水穴，同埋晾衫架，垃圾桶，仲有旱廁。
講返個行程。
今日買咗個新營，第一次用，睇咗好多 youtube 所以超易開！熟習之後應該可以快過蒙古包！
藍山 2
藍山 2 Pro
兩個營中間開天幕，一邊用晾衫架支撐，一邊用隊長帶既天幕杆，成晚好大風，但都無穿無爛：
開鏡睇星，沿路入去好清，我趁未煮飯時睇星，肉睇都眼到 M45... 好耐無試過露營帶大鏡睇星！之後搵埋 M31 就暫停煮食，雖不然煮好就密雲了！都好，總算睇咗！今次用新腳架，好幼身，但配 Ranger 低倍係超好用，完全唔會震！
呢支鏡用咗二十幾年！
呢個國產 swing head 都算幾好用，不過都係重咗啲！如果連呢舊都搵到較輕既代替品，咁就次次帶鏡都無所謂喇！
煮野食了！我煮鈦鍋雲吞雞、小白菜、粉絲，隊長煮海鮮鍋！仲有白飯，幾乎係食唔晒！部份菜留返第二朝！四隻雞下脾先有雞味，但太多勉強先食得晒！
本來想買新鮮雲吞但無時間，急凍都殺喇！
個海鮮鍋又好睇，又好食：
搞掂！開飯！
仲有凍飲！話說係 24 度左右，但風都幾大，我都要著外套！
營地手機信號超弱，我當係入去補眠，十二點左右就瞓覺！
營內試拉繩，營燈放中間照明均勻啲！其實係諗緊夏天開吊扇個陣！
這個新的流動安樂窩不錯！空間感比蒙古包更好！外帳空間超大，放好多野都得！仲有兩邊！不過日後頹 camp 仍然會用返個 Mobi Garden 蒙古包先，免得浪廢，其實佢本身亦算唔錯，去赤徑水浸既晚上都無反滲！個金仔仍然都有使用空間，配大金用！我唔會貪新忘舊既！
呢個係三峰出藍山 2，而隊長就買咗個藍山 2pro，分別主要係雙層同埋 1.5 層，當然後者係輕啲，但我怕倒汗水，重少少都算吧。
因為有風聲同埋海浪聲，起先諗住用耳塞，但後來都係想融入大自然！結果夢見風大吹到個營有事，好明顯係同聲音有關！呢晚瞓得超好，睡眠質素好過屋企瞓，遠處浪聲有催眠之效！我瞓到八點，隊長竟然瞓到十點 (印象中好少咁樣)！
佢未醒之前我去咗行吓，我就明點解隊長話要嚟呢度！簡單講，呢個營地已進入我每年必到既三大營地之一！現在三大係：長咀、大東、狗嶺涌！呢度有山有水，景緻頗為獨特！
先影吓個營區：
另外呢張係營區外近海邊既溪，所以呢度係行唔到出海灘既，呢張係全景：
比較接近現實係咁：
出去行之前攞多包水，慢慢過濾：
來回不用兩分鐘！
話咁快就到！
影返條過濾片，只要逼走喉管既空氣，出水係相當之快既：
再入啲既營區先出到沙灘，沿路已經有景：
認真啲構圖同埋採光：
經過去分流既山路：
就嚟到沙灘！狗嶺涌最靚就係夠多溪！
出沙灘：
沙灘影返上條溪：
沙灘相：
好，返去，日間影吓個新營先：
兩年前開始用保溫壺放急凍食物第二朝食，效能很不錯，全部冰還在：
有菜、有司華力腸，有兩種丸，當然仲有頹麵：
食完執晒走人！
上返去條路都少少斜，不過算喇，十分鐘貨仔：
唔使三個鐘就返到屋企！
