20191006-1007 重陽赤徑黃雨夜

隊長個袋，我個重多一公斤左右，已連埋一個冰箱仔，今次個冰箱放埋入背包，原本諗住去東灣，所以相對係輕裝：



約埋鑽石山搭 96R 直入北潭凹，因為近日社會事件，鐵路基本上唔使諗，大家各找方法集合，上咗巴士都勁塞，要個半鐘先到，平時一個鐘唔使：



大風大雨：



落車行半個鐘左右就到喇，今次紥近廁所那邊岸：





去到起咗天幕先：



再加多塊天幕，中間就變咗個廳喇：





糧草：



起完營做咩好呢？剝花生：



呢個陣幾好丫：





坐定定相當涼爽：



入黑就煮飯仔：











露營之日常：

雨越落越大：



食埋個豆花就瞓，自呢季開始，凍豆花差不多係必備：



開陣瞓覺：



咁既天氣，唔瞓做咩？



我發覺個帳底有啲涼，摸吓原來下面開始有水！雖然未滲出，但摸落去軟淋淋都幾驚，出外面望吓就明，原來頭頂方向有積水，積水沿一條淺坑流過帳底，我好似紥咗響條小河上面咁：



流向營尾：



之後都係瞓覺算數，我瞓到差不多九點先醒。

瞓前影吓當時既風勢同雨勢：

以下係隊長醒咗出去行既片段：













我卒之起身了，煮早餐，試新風擋：







出太陽添，真好：



經過一晚，我個帳底係有滲水，但完全無影響影我瞓覺，因為啲水點在地席下面：



反轉晒乾個底，情況算輕微，呢個營第一次試下面反滲，效果不錯：



個天幕捱咗一整晚大風大雨，竟然陽光下一陣怪風斷咗：



斷位係接駁段，只得 14mm x 1mm，之前斷金屬接口，但其實碳纖都唔見得好：



好在我有後備在家中：



返返現場：





因為等下班船，再坐吓先執：





執野：

合照之後趕船：





八分鐘到：







好耐無搭，原來已經用晒八達通。

坐返 96R 出去，各自回家，下次再玩！

隊長返到屋企個袋：



14.16 - 11.38 = 2.78kg

兩者相差就係食咗落肚，又或者係垃圾 (主要係食物包裝)，但其實應該實數仲多啲，因為落完雨裝備吸咗水

20190922 即興白石橋、石龍拱搵水源

首先，任務 fail 咗，但行吓都唔錯丫...

今日係即興，fb 見隊長話出發，我咁啱唔使返工，即刻就跟佢上山... 跑去追疏既 51 號巴士，趕上了

近來瞓得著，作作地病，行得慢，都秋高氣爽，實在不容錯過



半個鐘左右到白石橋：





走返出大路先：



到蓮花山：



到山頂：









點解我減極都仲咁肥：



唔爭氣，行得太慢：





靚草地：



靚日落：



稍稍坐吓，食少少野飲啖水，收隊落山：



落山都幾金：



搭巴士好過黨鐵：



今日其中一個目的係搵水源，結果係搵唔到，但呢個位有景，揹水都值得嚟一趟！

2019/8/28-29 荃錦快閃頹 Camp

八月竟然一不離二，再來荃錦，今次齊晒三條友。

隊長係要返工，執完野直接返去開會，咁都照去真係堅！

今次我以簡單舒適為主，帶個硬淨二人營，加埋張大櫈，吊扇等：



又係去返老地方，老位置，我今次紥樹後，開 3x3 天幕加二人營內帳，今次用返枝舊版 DIY 碳纖天幕杆。今晚好大風，結果又吹爛一個接口位，但夾返長咀吹爛那枝既屍體，借屍還魂又再復活多一次：



呢種金屬接口又重、又貴、又廢、又難整！新版好好多！舊既留返頹 camp 用，吹爛就肢解做其他 DIY 玩意。

講返今次個 camp 先，因為簡單紥，所以好快起完，隊長才剛剛起好個 5x3 天幕，真係辛苦晒：



齊人開酒飲：





今夜星光燦爛，或者因為我無帶相機吧？話說今次係一號風球，起先都怕會焗，但越夜越好風，又成晚閃電，不過無落雨。



今晚溫度無上次咁低，但都算舒適，論風量今次最堅，原來呢個位都可以好大風：



呢種紥法已經用咗好多次，兩條天幕杆已經可以，因為有樹：



睇吓各人既房間先：











睇埋隊長預備既酒水、甜品：







今次主要傾裝備，雖然大家已經好多裝備，但似乎仍蠢蠢欲動。唔講人地講自己，我仲想搵一個遠足營用既輕便營，之前個金仔在大東吹爛咗，其實仲可以用返個內帳配另一個金仔外帳，但呢個內帳係用唔到吊扇既，但其實，遠足得又點會要用吊扇呢！根本係買野既藉口嚟！

今次都幾多街坊嚟探我地，一上營地就有幾隻狗出嚟歡迎我地，去到又有昆蟲，小動物：



第二朝見佢入咗去出唔返嚟，影完相立即放生：





臨瞓溫度再降多少少：



今晚啲風都幾風，雖不及長咀／大東，但一啲都唔弱，仲成晚閃電，閃到我要帶眼罩瞓！風大到從遠處已聽到風來，聽住佢漸近，然後天幕再狂舞，然後再滲入內帳！

算係幾好既溫度，但略潮濕，唔係太舒服。上次凍醒，今次帶薄睡袋，風扇其實無咩開過，但八月露營風扇又點少得呢？帶咗唔用點都好過無得用。

第二天早上大家都早少少起身，但都係自然醒既，食個頹麪，影吓相就走人：





合照：





技術上今次算係收季，因為 BS2 開始係用中秋做標準，今年全年無休，只係象徵式收季，以後用應該都用中秋嚟做基準。



今年去咗呢度好多次，呢度應該係夏天頹 Camp 指定營地：



今次除咗吹爛天幕桿，呢個用咗三年既水袋都壽終正寢，近入水位漏水，其實上次都發現：