2020年12月8日星期二
2020年10月29日星期四
2020 動物叫 X 位露營
呢個位似乎好多人知，但網上講既人唔多，隊長之前去探咗，但講咗好耐都未有機會露，今次卒之成行！仲玩埋柴火 BBQ 添！
另一集專攻爆林：
老田遊記 100 subscribers 逹成！
2020年9月1日星期二
2020 August 刀槍不入山腰再露一露 (露營必須酒)
秘位唔寫真名，出個廢名算數，明就明，唔明就唔好明，免得玩爛！兩次都包場，又唔見有垃圾，真係爽！
今次真係露營必需酒，大家帶既飲品除咗一罐可樂，其餘都係酒！
枝白酒無帶開瓶器，營釘解決：
正所謂人生得意須盡歡，莫使金樽空對月，抬頭一望近乎月圓，七月節就在眼前，荒山野嶺，萬里無人，實在正過鬼！
好，講返個行程！上次人腳唔同，一個鐘先行到；今次行得爽快啲，七個字就到！可能都行得快既關係，所以有啲口渴，飲酒飲得比較速，又空空地肚！話時話，今次啲花生超好味，所以全部清晒！搞到成九點先食飯！
好，都係講返個行程！星期日下午泊車竟然有位，落車快快行，差不多到目的地時，遇上一位怪叔叔，佢跟住我地入咗去秘位先知我地係露營，而佢又唔識路！指點完佢都出唔到去，結果隊長就帶返佢出去！奉勸大家唔識路唔好一個行山，太危險！當時已經近乎入黑，未天黑佢都唔識出返去，天黑咗就慘慘了！
好，又再講返正題！開壇！初初隊長去咗帶怪叔叔出返去，我地起住其他野先，起天幕時佢返嚟喇！呢 360 條片可以睇三次，第一次睇志光哥開蒙古包、第二次睇我開狗屋，第三次睇開天幕！
隊長個營食完飯在天幕底開，因為太早開其實濕晒！空返個天幕然後底下開亦可減少露水！
日落了：
食吓花生啤啤佢，咁大包花生都食晒：
準備煮飯：
突然就煮好了：白飯、粟米六粒、咖哩雜菜、雞扒：
影返張合照先，志光哥半年無浦頭！
飲飽食醉，影吓相：
呢間狗屋唔錯，但其實都係想買返個輕既 free stand 營。因為濕氣重，第二朝要拆走外帳吹乾，然後又要扣返埋，有少少煩，但呢個營係舒服同埋輕既，遲吓先再諗！
今次用水量比較多，濾唔切：
氣氛燈呢啲野，真係正！
其實都幾涼，但我都係長開風扇：
臨瞓搬埋啲枱一邊，今次三張枱放埋一齊，超大！
隊長開營在另一邊：
臨入營前既溫度：
入咗營，發現外帳與內帳之間有螢火蟲！瞓醒第二朝，志光哥話瞓得有史以來最舒服，隊長都話唔錯，我就麻麻，醒咗風扇向上吹想吹返乾啲露水，但最後發覺都係要拆開：
我個營好濕，要拆開外帳嚟曬：
煮早餐：
韓式早餐？
我繼續照常食一丁，呢隻午餐肉幾好味：
臨走作落雨，啲青蜓出晒嚟：
飲埋杯茶，未過濾既溪水沖，特別好味：
唉，露營必須走，約下次喇唯有：
天黑黑，速逃：
呢堆石，一方面係過沼澤既橋，另一方面都係出口既路標之一：
話咁快出返去人類文明：
最後加返張營地既 bullet time:
話說隊長出營直接返工，真係辛苦晒！下次再會。
2020年8月9日星期日
2020 August 刀槍不入山腰露一露
秘位唔寫真名，出個廢名算數，明就明，唔明就唔好明。
上次露完，之後一直都落雨，直到某天突然停雨，當然要去多趟！
呢個位知道咗一段時間，路過好幾次，但始終未露過！今次趁天時地利人和就馬上出發！
由約到出發應該少於 30 小時。
出發時又再見到此情此景，如果唔係又封營，當然係選擇嚟呢度頹 camp...
走喇，唔好發夢了，希望遲吓可以嚟呢度喇，方便丫嘛！
其實行一個鐘就到，重裝也不太吃力。
臨到達目的地既小徑聽到有動物怪叫聲，亦聽到一聲巨響，又見到騮，入到去又有好多牛，起初都覺得有少少威脅，特別係馬騮！全程特別留心，特別食物同埋垃圾既放置，免得被動物偷野或偷襲，結果可能我地夠殺氣，全程都無事發生過！經過一整夜，食物、垃圾同埋其他器具都無被碰過既跡像。
因為之前一直落雨，好多位都沼澤 feel，要小心揀比較高既位。仔細研究過日出方位先開壇，免得一早就被曬醒：
係野狗、還是野豬做既呢？成地都係呢啲窿：
天幕桿真係幾有用：
新野，一粒蠟蠋玩足一晚：
煮飯：
仲有飯後果。溫度下降、濕度上升：
呢度無咩景睇，第二朝出太陽：
近來早餐開始標準化了：
落咗一排雨，條溪水源充足，晚上瞓覺都聽到流水聲：
第二朝陽光充沛，矖返乾晒啲野先走人！回程和去程速度差不多，都係一個鐘左右，不過回程係上山！回程時垃圾照舊掛在背包外，行行下先識驚，如果有馬騮搶就麻煩了！幸好最後無事！
呢度都算係方便，但景觀欠奉。但若是遇上假期，或是官方營地被封，嚟呢度避靜亦不失為一個好選擇！呢度地方夠晒大，又有水源，位置偏僻所以啲野生動物少見人會怕人，唔會亂咁嚟，其實唔錯既。
都係嗰句，最大的缺點反而成為優點，因為啲缺點令到無人嚟，而靜就係最大優點了！
訂閱：
文章 (Atom)